FRAMSIDA|MELD DEG INN|ADRESSEENDRING|KALENDER|KONTAKT| 16. DESEMBER 2019
Mediemållaget
v. B. Rekve, Dyretråkket 29 -
1251 Oslo
E-post: mediemallaget @ mediedagane.no

Framsida Nyhende, aktuelt, arkiv Arkiv 2013 Arkiv 2014 Arkiv 2015 Pressemeldingar Kommentarar Logoar og bilete Arkiv 2012 Arkiv 2011 Arkiv 2010 Arkiv 2009 Arkiv 2008 Arkiv 2007 Dei nynorske mediedagane Språkråd Nynorsk redaktørpris Om oss Organisasjon Lenkjer

Dialektpris til Linda Eide

 (13.10.2008)

Journalist og programleiar Linda Eide frå Voss fekk Dialektprisen 2008 av Norsk Målungdom.

Mediemållaget gratulerer!

- Eide er eit førebilete for ungdom. Ho held på nynorsken og dialekten på ein flott måte, og er i alt ho gjer eit menneske med høg integritet - ho vågar å vere seg sjølv. Dialektane i Noreg er under press, og det er godt å ha folk som Linda Eide som står mot presset, sa NMU-leiar Jens Kihl under prisutdelinga.

Prisvinnaren sjølv la vekt på at det faktisk ikkje er så lenge sidan det ikkje var sjølvsagt å snakke dialekt i radio og tv, men var glad for at dette no er akseptert.

- For meg er det viktig å snakke dialekt når eg ytrar meg, slo Linda Eide fast.

Linda Eide mottok Dialektprisen på Mangfaldsseminaret til Norsk Målungdom i Bergen. På same seminar sparka målungdomen i gong ein nasjonal dialektkampanje der målet er å få fleire unge til å halde på dialekten deira.

Dialektprisen har blitt delt ut sidan 2001, og har mellom anna gått til Are og Odin, Ravi og Hopalong Knut. I fjor gjekk han til skodespelar Ingrid Bolsø Berdal.

Pressemelding NMU

Nyhende frå nm.no:


© Noregs Mållag 2019 - Sidene laga av Zetta AS