Nordmøre Mållag er tildelt 10 000 kroner i tilskot frå Kleivafondet. Tildelinga skjedde under Kleivakvelden i samband med Vårsøghelga i Surnadal. - Nordmøre Mållag vil nytta midla i arbeidet mot nye språkpolitiske mål, sa leiar Nils Ulvund i takketalen.
Kleivafondet"Formålet med fondet er å fremja kulturelle og lokalhistoriske føremål innafor kommunen, unnateke fotball og stjerneidrett. Forutan tildeling av midlar etter søknad, kan styret på eige initiativ gje stønad eller påskjønning til einskildpersonar som har gjort eller gjer ein innsats for kultur og bygdasoge på ulønt og frivillig basis. Tilsvarande del av midlar frå fondet mellom den opprinnelege grunnkapitalen på kr. 300.000 og ny grunnkapital, skal også nyttast til vedlikehald av Hans Hyldbakk sin heim Kleiva. Dette i samråd med, eller etter framlegg frå kulturstyre/utval." (Frå vedtektene for fondet, § 2
Les meir om Surnadal kommune.Les meir om Vårsøghelga.Nils Ulvunds takketale:Takk! Det å få tildelt midlar frå Kleivafondet var overraskande og inspirerande. Støtte i form av pengar er flott, verdsettinga av arbeidet er kanskje det aller viktigaste.
Nordmøre Mållag er 100 år i år. Da er det naturleg med feiring av det som er oppnådd og bruke det som grunnlag for arbeid mot nye språkpolitiske mål.
Dei siste åra har mykje arbeid i Nordmøre Mållag vore retta mot born.
Enno så segla ho Magnill, boka med viser, rim og regler frå Nordmøre kom i 2002 og er framleis å få kjøpt. Kurs i språkformidling for pedagogar i barnehage og grunnskule er gjennomført i samarbeid med kommunar.
I jubileumsåret og vidare framover har Nordmøre Mållag behov for ekstra finansiering for å følgje opp arbeidet som har vore gjort dei siste åra.
I jubileumsåret ser mållaget tre arbeidsområde der pengar trengst:
• 100-årsjubileet
• Satsing overfor born
• Samarbeid med kommunane i språkspørsmål
- Hovudfeiringa for jubileet er festkonserten i Surnadal Kulturhus søndag kl. 19.
Nynorsk og nordmørsk språkkultur er sett i sentrum av dyktige utøvarar både lokalt og nasjonalt. Velkomne dit!!
- Satsinga overfor borna vil dreie seg om språkstimulering ved å ta initiativ til ymse kurs og møte for lærarar. Nordmøre Mållag har fått midlar til eit prosjekt og fleire barnehagar og skular har vist interesse for å delta.
- For å få til dette blir samarbeid med kommunar på Nordmøre ført vidare.
Politikken i dag går ut på at elevane skal bli tospråklege ved å lære både nynorsk og bokmål. Sidan bokmål dominerer i dag, er det eit mål å få nynorsken synleg for flest mogleg på flest mogleg område. ”Nynorsk for alle” om du vil.
Fleire språknøytrale kommunar viser at det er to målformer ved å ta i bruk begge i utoverretta informasjon. Avisene på Nordmøre støttar og dette. Da bli vel det neste at fleire i næringslivet på Nordmøre tek nynorsk i bruk.
Dermed vil vi oppleve at nynorsk er eit reelt jamstelt språk slik det er tenkt å vera.
For å få meir driv i dette arbeidet er det oppretta ei deltidsstilling frå august 2007 – juli 2008 der hovudoppgåva er å samarbeide med kommunane.
Støtta frå Kleivafondet gjev inspirasjon.
Eg vel å tru at Hans ville lika dette. Han ville vel ha kosta på seg ein skål no.
Takk!
