Styret i Språkrådet har oppnemnt ei rettskrivingsnemnd som skal laga ei tydeleg, enkel og stram norm for nynorsk, utan sideformer. Den nye norma skal erstatta dagens norm. Arbeidet skal vera ferdig 15. mai 2011 etter ein open og inkluderande prosess.I 2009 bad Kulturdepartementet Språkrådet om å setja i gang arbeidet med ein gjennomgang av nynorskrettskrivinga, på bakgrunn av tidlegare vedtak i saka i styret og behandlinga av stortingsmeldinga «Mål og meining».
Målet er å etablera ei norm som gjer det lettare å vera nynorskbrukar, som er tydeleg for alle som bruker nynorsk som sidemål, og som er stabil over tid. Norma skal vera lett å bruka uavhengig av formell utdanning og språkkompetanse, heiter det i vedtaket frå styret.
I rettskrivingsnemnda sit Grete Riise (leiar), Unn Røyneland, Ragnhild Bjørge, Karin Magnetun, Tore Elias Hoel, Svend Arne Vee, Åse Wetås, Aud Søyland (prosjektsekretær).
Les meir hjå Språkrådet
