Nynorskstipend

Noregs Mållag lyser ut to stipend à kr 50 000. Føremålet med stipenda er å hjelpa fram gode prosjekt som kan fremja nynorsk på alle samfunnsområde. Prispengane er ei løyving frå Kultur- og kyrkjedepartementet.

Føremål
Føremålet med stipenda er å hjelpa fram gode prosjekt som kan fremja nynorsk på alle samfunnsområde. Stipendnemda ser særleg positivt på søknader som har som formål å få nynorsken i bruk på område der han frå før har lite rom.

Kriterium for tildeling
Ei kvinne og ein mann skal tildelast eit stipend à kr 50 000. Stipendet er eit arbeidsstipend og kan ikkje nyttast til ordinær utdanning eller til reiser.

Krav til søknad/prosjektbeskriving
- problemstilling og mål
- arbeidsform/metode
- tidsplan
- budsjett
- vedlegg: CV og ev. referansar til tidlegare arbeid

Krav til sluttrapportering
Det skal leverast ein skriftleg sluttrapport (papir og elektronisk) innan fristen. Stipendiatane må seia seg villige til å leggja fram prosjektet for styret eller andre organ etter nærmare avtale.

Frist for innlevering av søknad med prosjektbeskriving er 9. februar 2010. Send søknad og eventuell dokumentasjon til
Noregs Mållag
Postboks 474 Sentrum
0105 Oslo
eller på e-post til dagleg leiar Gro Morken Endresen.

Styret i Noregs Mållag er stipendnemnd. Styret tek sikte på å kunngjera kven som har fått tildelt stipend, i løpet av mars 2010. Frist for innlevering av ferdig prosjekt er sett til 1. oktober 2010.

Styremedlemmer og tilsette i Noregs Mållag kan ikkje søkja stipendet.

For meir informasjon
Ta kontakt med Håvard B. Øvregård, leiar i Noregs Mållag.

Tidlegare vinnarar:
50 000 i stipend til spel og kaffi
Stipend for å lage bygdeavis
Stipend til Rannveig Mossige Thattai
Nynorskstipend til Øystein Runde
Stipend til An10 Boyband