Til framsida
SØK:
FRAMSIDA|MELD DEG INN|ADRESSEENDRING|KALENDER|KONTAKT| 22. AUGUST 2017 Information in english


Nyhende Arkiv Meld deg inn! Haustseminar 2017 Mållaget meiner Val 2017 NyNorsk Språkdelt ungdomskule Kommunereforma Sidemål Nynorsk verksemd Organisasjon Lagsoversyn For lokallaga Norsk Tidend Målprisar Krambua Peikarar Norsk Målungdom Fakta om nynorsk For pressa

Ny leiar i Kringkastingsringen

 (24.03.2017)

Guro Kvalnes (25) frå Ullensvang i Hardanger vart vald til ny styreleiar i Kringkastingsringen på årsmøtet i går.

Ho har ein master i litteraturformidling frå UiO og arbeider for tida som marknadskonsulent i Det Norske Samlaget. Guro Kvalnes har tidlegare vore praktikant ved NRK Nynorsk Mediesenter og arbeida i NRK Kulturnytt.

– Det er viktig at alle får sjå språket sitt i media, også nynorskbrukarar. Me vil halde fram med å arbeide for at nynorsk skal få ein rettkomen plass i media, seier Guro Kvalnes. Ho gler seg til å ta fatt i arbeidet, og det første ho gjer er å  invitere til ein open kveld med Kringkastingsringen 27. april.

– Me skal få høyre meir om handlingsplan for nynorsk i NRK av Ingvild Bryn. Det vert og debatt om språkopplæringa ved dei ulike journalistutdanningane, so det er berre å følgje med, seier Guro Kvalnes. Med seg i styret har ho Kristofer Olai Ravn Stavseng frå Stordal, Hans Olav Rise frå Ulsteinvik, Marit Heier Lajord frå Vang i Valdres, Vegard T. Foseide frå Fræna.

Kringkastingsringen er ein interesseorganisasjon som arbeider for at nynorsk, samisk og norske dialekter skal få ein rettkomen plass i media. Både at lesarane skal få sjå språket sitt, og at journalistane skal få bruke språket sitt. Organisasjonen vart skipa i 1955, og har sidan 1978 delt ut Kringkastingsprisen, sist til Arill Riise i TV2.

Bookmark and Share
HANDLEKORG
Handlekorga er tom.
© Noregs Mållag 2017
E-post vevmeister
Sidene laga av Zetta AS
Noregs Mållag
Lilletorget 1
0184 Oslo
Tlf: 2300 2930
E-post: nm@nm.no