Til framsida
SØK:
FRAMSIDA|MELD DEG INN|ADRESSEENDRING|KALENDER|KONTAKT| 22. APRIL 2018 Information in english


Nyhende Arkiv Oppdater Meld deg inn! Landsmøtet i Vinje Mållaget meiner Nye læreplanar NyNorsk Språkdelt ungdomskule Kommunereforma Sidemål Nynorsk verksemd Organisasjon Lagsoversyn For lokallaga Norsk Tidend Målprisar Krambua Peikarar Norsk Målungdom Fakta om nynorsk For pressa

200-årsdag for Aasmund Olavsson Vinje

 (06.04.2018)

Fredag 6. april er det 200 år sidan Aasmund Olavsson Vinje blei fødd. Han grunnla den nynorske journalistikken og synte at landsmålet kunne brukast i alle sjangrar. Les meir om Aasmund Olavsson Vinje hjå Allkunne.no 

– Den beste måten å heidre Vinje på, er å gje journalistikk på nynorsk gode vilkår, seier Magne Aasbrenn, leiar i Noregs Mållag. 

Denne veka sa kulturminister Trine Skei Grande i Stortinget at ho ønskjer eit breitt forlik om støtteordningane for mediebransjen. 

– Dette er klokt. Journalistikken treng føreseielege rammevilkår. Men no må ikkje Trine Skei Grande gløyme nynorskjournalistikken, slik Åmås-utvalet gjorde, seier Magne Aasbrenn. Han peikar på at NOU-en om mediemangfald, som blei skriven under leiing av Knut Olav Åmås, ikkje tok opp det språklege mangfaldet i Noreg. 

Magne Aasbrenn peikar på fire tiltak kulturministeren kan ta tak i: 

  • - styrkje distriktskontora til NRK
  • - presisere at NRK og TV2 bør få krav på seg til å bruke nynorsk på nett
  • - sørgje for at pressestøtta særleg løftar lokalavisene og dei meiningsberande avisene
  • - ikkje opne for nye støtteordningar utan utbyteavgrensing

– Slike ordningar ville gått til å sponse storavisene med nynorskforbod. Det er ikkje staten si oppgåve å støtte opp om språksensur, seier Magne Aasbrenn. Han trur Grande kan bli ein språkminister Aasmund Olavsson Vinje ville vore stolt av.
– Om Trine Skei Grande bruker jubileet til å gje nynorskjournalistikken eit løft, er det eit ferdaminne som står seg, avsluttar Magne Aasbrenn.

Bookmark and Share
HANDLEKORG
Handlekorga er tom.
© Noregs Mållag 2018
E-post vevmeister
Sidene laga av Zetta AS
Noregs Mållag
Lilletorget 1
0184 Oslo
Tlf: 2300 2930
E-post: nm@nm.no