Til framsida
SØK:
FRAMSIDA|MELD DEG INN|ADRESSEENDRING|KALENDER|KONTAKT| 25. MARS 2019 Information in english


Nyhende Arkiv Mållaget meiner Oppdater! Val 2019 NyNorsk Organisasjon Lagsoversyn For lokallaga Norsk Tidend Krambua Peikarar Norsk Målungdom Fakta om nynorsk For pressa

Ny i Mållaget

 (13.09.2018)

(Foto: My Day Studio)

Astrid Marie Grov byrja i dag som ny redaktør i Norsk Tidend og kommunikasjonsrådgjevar i Noregs Mållag. Ho kjem frå stillinga som seniorrådgjevar i Språkrådet.

– Noregs Mållag er flinke til å løfte fram språkpolitiske spørsmål i samfunnet. Eg ser fram til å bli ein del av ein aktiv språkorganisasjon, seier Astrid Marie Grov.

Ho har vore tilsett i Språkrådet sidan 2010 og er tilknytt seksjon for språk i skule og offentleg forvaltning. Dei siste åra har ho òg jobba mykje for kommunikasjonsseksjonen. Ho er journalist i Språknytt, og ein periode har ho vore redaktør i Statsspråk. I dag har ho hovudansvaret for arbeidet til Språkrådet på skulefeltet.

Ho har bakgrunn som tilkallingsvikar i NRK Dagsnytt og har vore nynorskpraktikant ved NRK Nynorsk mediesenter. Ho har mastergrad i allmenn lingvistikk frå Universitetet i Oslo, og er i gang med mastergrad i rettsvitskap. Astrid Marie Grov er 34 år og kjem frå Tinn i Telemark.

– For Noregs Mållag er tilsettinga av Astrid Marie Grov ei styrking av staben. Vi får ein tilsett med solid fagkompetanse på aktuell språkpolitikk og journalistisk erfaring, seier Magne Aasbrenn, leiar i Noregs Mållag. Ho overtek etter Kjartan Helleve, som har gått til stillinga som dagleg leiar i Kringkastingsringen.

Bookmark and Share
HANDLEKORG
Handlekorga er tom.
© Noregs Mållag 2019
E-post vevmeister
Sidene laga av Zetta AS
Noregs Mållag
Lilletorget 1
0184 Oslo
Tlf: 2300 2930
E-post: nm@nm.no