Håvard B. Øvregård vart i dag attvald som leiar på Landsmøtet i Noregs Mållag. Ny nestleiar er Janne Nygård, student og avtroppande leiar i Norsk Målungdom.
Helga Hjetland og Terje Kjøde held fram i styret. Nye i styret er Sveinung Rotevatn, leiar i Unge Venstre, Nina Berge Rudi, lærar, og Vebjørn Sture, leiar i Norsk Målungdom.
Varalista ser slik ut: 1. vara Sigbjørn Hjelmbrekke, Bø i Telemark, 2. vara Solgunn Liestøl, Haugesund, 3. vara Randi Lohndal Frestad, Lista og 4. vara Magne Aasbrenn frå Fredrikstad.
– Landsmøtet sa klårt frå at elevar i ungdomsskulen og den vidaregåande skulen framleis må få ein eigen karakter i sidemålet, helst både som standpunktkarakter og karakter frå obligatorisk eksamen, seier Håvard B. Øvregård.
Landsmøtet vedtok også fråsegner om språkstimulering i barnehagane, styrking av andrespråksopplæringa i samisk, endringar i stadnamnlova og nynorske læremiddel i trusopplæringa.
For meir informasjon:
Håvard B. Øvregård, leiar i Noregs Mållag, 917 73 157
Janne Nygård, ny nestleiar i Noregs Mållag, 916 16 637
Bilete til å laste ned:
http://www.flickr.com/photos/27517726@N07/7125107251/in/photostream
