Til framsida
SØK:
FRAMSIDA|MELD DEG INN|ADRESSEENDRING|KALENDER|KONTAKT| 22. JANUAR 2018 Information in english


Nyhende Arkiv Meld deg inn! Landsmøtet i Vinje Mållaget meiner NyNorsk Språkdelt ungdomskule Kommunereforma Sidemål Nynorsk verksemd Organisasjon Lagsoversyn For lokallaga Norsk Tidend Målprisar Krambua Peikarar Norsk Målungdom Fakta om nynorsk For pressa

Ryddesjau i sidemålsdebatten

 (14.02.2013)

Kvifor må elevane lære både nynorsk og bokmål i skulen?

Janne Nygård og Vebjørn Sture ryddar i sidemålsskapet. (Foto: Kjartan Helleve)

Vebjørn Sture og Janne Nygård har prøvd å rydde i argument og påstandar og samla alt i pamfletten «Kva skal vi med sidemål? Argument og fakta». Debattboka er mynta på alle som har lyst til å vite meir om sidemålsdebatten, og prøver å gi litt grundigare svar enn det som kjem fram på debattmøte og i lesarinnlegg. Det blir ofte for knapt.

– Sidemålsdebatten skjer ofte i ei kjapp form, og for dei som ikkje kan så mykje frå før, kan det hende dei ikkje blir så mykje klokare av det. Derfor har vi prøvd å gi ein meir fullstendig argumentasjon i staden for «fem kjappe grunnar», seier Nygård, nestleiar i Noregs Mållag.

– Og så har vi prøvd å ta tak i ein del av dei påstandane og spørsmåla som vi ofte møter i debattar, både om nynorsk og sidemålsordninga.

Påstandar og argument
Saman med Vebjørn Sture, leiar i Norsk Målungdom, går ho i boka laus på vanlege påstandar som «eg kjem ikkje til å få bruk for nynorsk», «sidemålsopplæring stel tid og krefter frå resten av norskfaget» og «elevar vert flinkare til å lese og skrive om dei får konsentrere seg om hovudsvarermålet sitt» og prøver å plukke frå kvarandre det dei ser som meir fordomsfulle innlegg i debatten.

Under samleoverskrifta «Tilleggsammunisjon» har dei dessutan fått Øystein Vangsnes, Gunnar Skirbekk og Eli Bjørhusdal til å skrive kvart sitt stykke om dei faglege og politiske sidene ved sidemålsundervisninga.

– Mange av spørsmåla er slike som vanlege folk aldri har fått svar på. Eit viktig mål for boka er derfor å gi ordentlege svar på ting som vi veit at mange lurer på. Forhåpentleg kan det få noko å seie for korleis folk tenkjer om sidemål, seier Vebjørn Sture.



Hallvard Østrem/NPK
Bookmark and Share
HANDLEKORG
Handlekorga er tom.
© Noregs Mållag 2018
E-post vevmeister
Sidene laga av Zetta AS
Noregs Mållag
Lilletorget 1
0184 Oslo
Tlf: 2300 2930
E-post: nm@nm.no