Odda-modellen sikra
(19.12.2014)
- Odda mållag har gjort ein formidabel innsats for å sikre elevane på Odda ungdomsskule best mogeleg hovudmålsundervisning gjennom å redde Odda-modellen, seier leiar i Noregs Mållag Marit Aakre Tennø.
På kommunestyremøtet i Odda i går sikra Arbeidarpartiet, Raudt og Demokratane språkdelinga på ungdomsskulen.
I vedtaket vert språkdelinga halden oppe og inndekninga skjer innan budsjettramma på Odda Ungdomskole. Vidare skal kommunen arbeide for ei statleg medfinansiering. Kommunestyre takkar ja til invitasjonen frå Noregs Mållag om å gjere språkdelinga ved ungdomskulen (Odda-modellen) til ei nasjonal ordning i språkdelte kommunar i Noreg.
- Dette var ei god jolegåve frå Odda mållag til alle målfolk, seier Marit Aakre Tennø i Noregs Mållag.
Kjartan Helleve
|
