Til framsida
SØK:
FRAMSIDA|MELD DEG INN|ADRESSEENDRING|KALENDER|KONTAKT| 18. NOVEMBER 2017 Information in english


Nyhende Arkiv Meld deg inn! Mållaget meiner NyNorsk Språkdelt ungdomskule Kommunereforma Sidemål Nynorsk verksemd Organisasjon Lagsoversyn For lokallaga Norsk Tidend Målprisar Krambua Peikarar Norsk Målungdom Fakta om nynorsk For pressa

Nynorskglede for Høgskulen på Vestlandet

 (10.06.2016)

– Det er ei sann glede at den nye Høgskulen på Vestlandet får nynorsk som hovudmålform, seier Magne Aasbrenn, leiar i Noregs Mållag.

Høgskolen i Bergen, Høgskolen Stord/Haugesund og Høgskulen i Sogn og Fjordane har gjort vedtak om å slå seg saman til Høgskulen på Vestlandet. Høgskulen vil få 16 000 studentar, og dermed bli ein av dei største utdanningsinstitusjonane i Noreg.

Styret i Noregs Mållag ynskjer til lukke med vedtaket om at nynorsk skal vere hovudmålforma. Også kunnskapsminister Torbjørn Røe Isaksen har uttrykt glede over at den nye høgskulen vil ta eit særskilt ansvar for nynorsken.

– For oss er det ekstra kjekt å sjå at den nye høgskulen, der rektor har sete i Bergen, får nynorsk som hovudspråk, seier Magne Aasbrenn.

For nynorsken som vitskapleg språk er det viktig at ein såpass stor institusjon har nynorsk som hovudspråk. Høgskulen på Vestlandet vil tilby profesjonsutdanningar på bachelor-, master- og doktorgradsnivå. Dette vil gje viktige yrkesgrupper som barnehagelærarar, lærarar, sjukepleiarar og ingeniørar solide nynorskkunnskapar til yrkeslivet.

Bookmark and Share
HANDLEKORG
Handlekorga er tom.
© Noregs Mållag 2017
E-post vevmeister
Sidene laga av Zetta AS
Noregs Mållag
Lilletorget 1
0184 Oslo
Tlf: 2300 2930
E-post: nm@nm.no