Til framsida
SØK:
FRAMSIDA|MELD DEG INN|ADRESSEENDRING|KALENDER|KONTAKT| 25. JULI 2017 Information in english


Nyhende Arkiv Meld deg inn! Haustseminar 2017 Mållaget meiner Val 2017 NyNorsk Språkdelt ungdomskule Kommunereforma Sidemål Nynorsk verksemd Organisasjon Lagsoversyn For lokallaga Norsk Tidend Målprisar Krambua Peikarar Norsk Målungdom Fakta om nynorsk For pressa

Ny rådgjevar i Mållaget

 (17.08.2016)

Denne veka byrja Marit Aakre Tennø i ei nyoppretta stilling som rådgjevar i Noregs Mållag. Ho er tilsett i prosjektstilling i 80 % til midten av april 2018.

– Styret i Noregs Mållag har vedteke å utvide staben på skrivarstova med ein politisk rådgjevar. Det er mange viktige arbeidsfelt Mållaget følgjer med på, og det har lenge vore trong for å styrkje kapasiteten til å fordjupe oss og drive utgreiingsarbeid for styret i viktige politiske saker, seier Gro Morken Endresen, dagleg leiar i Noregs Mållag.

Saksfelta Marit Aakre Tennø vil arbeide med, vil variere gjennom perioden, men hovudvekta i arbeidet skal vere saksutgreiingar, høyringsnotat og lobbyarbeid. Denne veka byrja ho med å skrive eit framlegg til høyringsutkast som skal sendast til Kulturdepartementet om praktiseringa av endringane av stadnamnlova.

Marit gjekk av som leiar i Noregs Mållag i april 2016 og då var det Magne Aasbrenn som tok over den stafettpinnen. Ho har tidlegare hatt fleire ulike prosjektmedarbeidarstillingar for Mållaget.

– Eg tykkjer det er kjekt å få halde fram med å bidra til ein betre språkpolitikk, seier Marit Aakre Tennø, som skal ha kontor i Jostedalen.

Bookmark and Share
HANDLEKORG
Handlekorga er tom.
© Noregs Mållag 2017
E-post vevmeister
Sidene laga av Zetta AS
Noregs Mållag
Lilletorget 1
0184 Oslo
Tlf: 2300 2930
E-post: nm@nm.no