Til framsida
SØK:
FRAMSIDA|MELD DEG INN|ADRESSEENDRING|KALENDER|KONTAKT| 25. JULI 2017 Information in english


Nyhende Arkiv Meld deg inn! Haustseminar 2017 Mållaget meiner Val 2017 NyNorsk Språkdelt ungdomskule Kommunereforma Sidemål Nynorsk verksemd Organisasjon Lagsoversyn For lokallaga Norsk Tidend Målprisar Krambua Peikarar Norsk Målungdom Fakta om nynorsk For pressa

Sveio og Vindafjord går for nynorsk

 (21.12.2016)

Både kommunestyret i Sveio og Vindafjord har no vedteke å gå over til nynorsk opplæring for vaksne innvandrarar.

I Sveio tilrådde rådmannen nynorsk, og ordførar Jorunn Skåden frå Ap har vore tydeleg i sitt ynske om nynorskopplæring.  Både formannskapet og kommunestyret var samrøystes i vedtaket om nynorsk.

I Vindafjord kommune tilrådde rådmannen å halde fram med bokmålsopplæring, og i komiteen for oppvekst og omsorg var det klart fleirtal for bokmål. Fleirtalet i kommunestyret ville det likevel ikkje slik. Med 15 mot 10 røyster vedtok dei å gå over til nynorsk, melder Haugesunds Avis.

Ordførar i Vindafjord Ole Johan Vierdal (Sp) syner til at born som kjem til kommunen med innvandrarbakgrunn, får si opplæring på nynorsk, all kommunikasjon i kommunen skjer på dialekt og nynorsk, og han trur alle som bur der vil ha nytte av å læra dette, skriv Haugesunds Avis. 

Både Sveio Mållag og Vindafjord Mållag har arbeidd mykje med å få til desse vedtaka. Me ynskjer både dei og kommunane til lukke med gode vedtak!

Etter at Noregs Mållag starta kampanjen NyNorsk, kampanje for nynorsk opplæring for vaksne innvandrarar, har heile elleve kommunar skifta opplæringsspråk. Det er no totalt 48 kommunar som gjev opplæring på nynorsk eller har vedtak om å gå over til nynorskopplæring. 

Bookmark and Share
HANDLEKORG
Handlekorga er tom.
© Noregs Mållag 2017
E-post vevmeister
Sidene laga av Zetta AS
Noregs Mållag
Lilletorget 1
0184 Oslo
Tlf: 2300 2930
E-post: nm@nm.no