Har de ein kandidat til Nynorsk næringslivspris?
(12.05.2017)
Juryen for Nynorsk næringslivspris 2017 inviterer alle til å koma med grunngjevne framlegg til kandidatar som fortener denne prisen.
I statuttane for Nynorsk næringslivspris heiter det:
§ 1 Generelt
Noregs Mållags pris/utmerking for nynorsk i næringslivet er oppretta i styrevedtak 21. oktober 2005. Styret vedtok å dela ut utmerkinga første gong i 2006. Noregs Mållag vil knytte eksterne samarbeidspartnarar til prisen og arbeidet med denne.
§ 2 Føremål
Utmerkinga skal fremja innsats for og bruk av nynorsk i næringsverksemd.
§ 3 Om kven som kan få prisen/utmerkinga
Alle typar næringsverksemd som ikkje er omfatta av mållova, kan motta prisen/utmerkinga.
I fjor fekk Dyrsku’n prisen. Her kan du lesa heile prisrekkja og grunngjevingane for tildelingane til Nynorsk næringslivspris sidan 2006.
Send framlegg til: Noregs Mållag, Lilletorget 1, 0184 OSLO eller på e-post til gro.morken@nm.no
Frist for å senda inn framlegg: 15. september 2017.
|
