Til framsida
SØK:
FRAMSIDA|MELD DEG INN|ADRESSEENDRING|KALENDER|KONTAKT| 24. JUNI 2018 Information in english


Nyhende Arkiv Oppdater! Meld deg inn! Landsmøtet i Vinje Mållaget meiner Nye læreplanar NyNorsk Språkdelt ungdomskule Kommunereforma Sidemål Nynorsk verksemd Organisasjon Lagsoversyn For lokallaga Norsk Tidend Målprisar Krambua Peikarar Norsk Målungdom Fakta om nynorsk For pressa

Solid medlemsvekst i Sogn og Fjordane

 (15.12.2017)


 

Leiar i Sogn og Fjordane Mållag, Hallstein Dvergsdal

Det går så det susar i Sogn og Fjordane Mållag. I dag er det 1106 medlemer i laget. Dei siste to tiåra har det gått jamnt og trutt oppover, med ein auke på nær 450 medlemer.

– Denne medlemsveksten vi har no er særs gledeleg, og vi merkar at det kjem til medlemer frå heile fylket, fortel Hallstein Dvergsdal, leiar i Sogn og Fjordane Mållag. Det er elleve aktive lokallag i Sogn og Fjordane Mållag. Hallstein Dvergsdal har på ynskjelista si å få til ny aktivitet i Flora Mållag og nytt lag i Selje og Vågsøy.

– I Sogn og Fjordane er det nær 13 800 nynorskelevar, medan på landsbasis er det kring ein halv million nordmenn som reknar nynorsk som sitt språk, seier Hallstein Dvergsdal.

– Vi arbeider for at alle skal kunne bruke nynorsk, og at det skal vere lett å til dømes vere nynorskelev. Fleire medlemer gjer Noregs Mållag til ein sterkare organisasjon. Di fleire vi er, di sterkare står nynorsken, seier Hallstein Dvergsdal.

I dag har Noregs Mållag 12 914 medlemer. Målet for i år er å nå 13 000 medlemer. Det er nesten 3000 fleire enn for ti år sidan.

– Vi er utruleg takksame for alle som er med i Mållaget, og ønskjer alle nye medlemer velkomen, seier Hallstein Dvergsdal.

Bookmark and Share
HANDLEKORG
Handlekorga er tom.
© Noregs Mållag 2018
E-post vevmeister
Sidene laga av Zetta AS
Noregs Mållag
Lilletorget 1
0184 Oslo
Tlf: 2300 2930
E-post: nm@nm.no