Til framsida
SØK:
FRAMSIDA|MELD DEG INN|ADRESSEENDRING|KALENDER|KONTAKT| 17. NOVEMBER 2019 Information in english


Nyhende Arkiv Mållaget meiner Nytt prinsipprogram Oppdater! Val 2019 NyNorsk Nye læreplanar Organisasjon Lagsoversyn For lokallaga Norsk Tidend Krambua Peikarar Norsk Målungdom Fakta om nynorsk For pressa

Ny leiar i Kringkastingsringen

 (22.03.2019)

Kathrine Nygård (25) frå Longva i Møre og Romsdal er vald til ny leiar i Kringkastingsringen. 
– Eg gler meg stort og kan ikkje anna enn å takka for tilliten, seier Kathrine Nygård.

Det er nesten utruleg at ein medlemsorganisasjon som har eit så smalt arbeidsfelt har greidd å overleva i meir enn seksti år. Men det seier berre at problemet enno ikkje er løyst, og det er openbert at det er mange arbeidsoppgåver å ta tak i. Eg såg at kringkastingssjefen sa han ville at 2019 skulle bli året der NRK faktisk nådde 25 % nynorsk. Det vil eg og!   

Nygård har journalistutdanning og har tidlegare arbeidd i NRK Super, mellom anna som programleiar i «Skolefri». Ho har også vore journalist for Eidsvoll Ullensaker Blad, Adopsjonsforum, Gaysir og Magasinet BLIKK. Ho har òg vore prosjektleiar i Skeiv Ungdom. Hausten 2016 var ho nynorskpraktikant ved Nynorsk mediesenter. 

Ho får med seg desse i styret: 
Kristofer Olai Ravn Stavseng, rådgjevar, kjem frå Stordal i Møre og Romsdal
Hans-Olav Rise, frontsjef, kjem frå Ulsteinvik i Møre og Romsdal
Mattias Rolighed Bergset, kommunikasjonsrådgjevar, kjem frå Nordfjordeid i Sogn og Fjordane 
Inger Johanne Ruset, informasjonsrådgjevar, kjem frå Linge i Møre og Romsdal
Kari Nygard Tvilde, frilans innan media, kjem frå Voss i Hordaland

Kringkastingsringen er ein ubunden medlemsorganisasjon som arbeider for at det er minst 25 % nynorsk i NRK og at det er mest mogleg nynorsk og dialekt i alle andre mediekanalar. Organisasjonen vart skipa i 1955, har om lag 750 medlemer, får ikkje statsstøtte og har kontor i Oslo. 

Bookmark and Share
HANDLEKORG
Handlekorga er tom.
© Noregs Mållag 2019
E-post vevmeister
Sidene laga av Zetta AS
Noregs Mållag
Lilletorget 1
0184 Oslo
Tlf: 2300 2930
E-post: nm@nm.no