Kven bør få Nynorsk næringslivspris?
(23.09.2019)
Slik såg det ut når Sogndal Fotball fekk Nynorsk næringslivspris frå Noregs Mållag i 2018. No inviterer vi alle til å koma med grunngjevne framlegg til kandidatar som fortener denne prisen.
I fjor fekk Sogndal Fotball prisen, året før var det Fjord1, og året før der var det Dyrsku'n i Seljord. Her kan du lesa heile prisrekkja og grunngjevingane for tildelingane til Nynorsk næringslivspris sidan 2006.
I statuttane for Nynorsk næringslivspris står det at utmerkinga skal fremja innsats for og bruk av nynorsk i næringsverksemd. Alle typar næringsverksemd som ikkje er omfatta av mållova, kan motta prisen/utmerkinga.
Jury for Nynorsk næringslivspris er Magne Aasbrenn, leiar, Nina Berge Rudi, Øystein Skjæveland og Olin Johanne Henden.
Send framlegg til: Noregs Mållag, Lilletorget 1, 0184 Oslo eller på e-post til gro.morken@nm.no
Frist for å senda inn framlegg: 4. oktober 2019
|
