Meir kjærleik i Noreg
(02.02.2005)
Pressemelding 02.02.2005. Med kjærleik som Noregs vakraste ord er det flott at Posten i år kjem med «valentinfrimerke» på nynorsk, meiner Endre Brunstad, leiar i Noregs Mållag.
På Posten sitt årlege valentinfrimerke prydar i år teksten til Tor Jonsson-diktet «Nærast er du når du er borte». Frimerket er det tredje nynorskfrimerket hittil i 2005. Dette får leiaren i Noregs Mållag, Endre Brunstad, til å kjenne kjærleik for Posten.
– I år skal Posten lansere heile 10 nynorske frimerke, mot eitt i fjor, dette gjer meg glad. I 2005 finst det ingen gode grunnar til ikkje å sende nynorskpost, avsluttar Brunstad.
|
|
