Før valet i haust stod dei politiske partia i kø for å tale om storsatsing på skule og utdanning. No bør vi få ein ny kø av folk som krev at politikarane held lovnadene sine. Noregs Mållag oppmodar difor lokallaga sine om å gå saman med lokale lærarorganisasjonar og andre mot nedskjeringane i skulebudsjetta. Skulen er den viktigaste institusjonen for å utvikle og styrkje norsk språk og kultur.

Fredag 19. november var det røysting om skulemålet på Byremo skule i Audnedal kommune. Nynorsken vann med 44 røyster mot 38 røyster for bokmål. Det var ei blank røyst. Frammøtet var på 92,5 %.

- Noregs Mållag har mista 500 medlemer sidan landsmøtet, vart det hevda i Kulturnytt på NRK P2 10. november i eit oppslag som såg den påståtte medlemsnedgangen i samanheng med leiarstriden i år. Tala fortel noko heilt anna. 7 har meldt seg ut og 5 inn med landsmøtet som grunngjeving. Bakgrunnen for oppslaget var skipinga av den nye målorganisasjonen Nynorsklaget.