Til framsida
SØK:
FRAMSIDA|MELD DEG INN|ADRESSEENDRING|KALENDER|KONTAKT| 16. SEPTEMBER 2019 Information in english


Nyhende Arkiv 2016 2015 2014 2013 2012 2011 2010 2009 2008 2007 2006 2005 2004 2003 2002 2001 2000 1999 Mållaget meiner Nytt prinsipprogram Oppdater! Val 2019 NyNorsk Nye læreplanar Organisasjon Lagsoversyn For lokallaga Norsk Tidend Krambua Peikarar Norsk Målungdom Fakta om nynorsk For pressa

Trude Teige fekk Kringkastingsprisen

 (07.10.2008)

Foto: Kjartan Helleve
Kringkastingsprisen 2008 gjekk til Trude Teige, kjend som programleiar for Tabloid på TV 2. - Ei ære, takka prisvinnaren.

Som programleiar for eit aktualitetsmagasin med over 200 000 sjåarar, fire gonger i veka, syner ho at nynorsk er eit godt og effektivt nyhendespråk.
- Sidan språk er ein så stor del av min identitet, så er eg svært glad for denne prisen. Journalistar får vanlegvis pris for eit program eller ei sak. Men denne går meir til meg og til alt eg gjer. Den seier liksom at eg er ok, og det er godt å ha med seg, sa Teige under prisutdelinga på Det Norske Teatret.

Kringkastingsprisen blir delt ut til ei røyst som utmerkar seg med godt språk i radio eller fjernsyn og som på ein framifrå måte nyttar nynorsk eller dialekt i det daglege arbeidet. Kringkastingsringen har delt ut Kringkastingsprisen kvart år sidan 1978. Prisen er eit grafisk blad av kunstnaren Per Kleiva.

Grunngjevinga frå juryen:

Prisvinnaren i år er 48 år, og kjem frå Herøy på Sunnmøre. Ho har lang erfaring som journalist, og byrja karrieren sin i Bergens Tidende, før ho gjekk over til etermedia i NRK Møre og Romsdal og Dagsnytt. Då TV2 starta sendingane i 1992, byrja ho som reportar der, og er no ein av dei mest profilerte programleiarane der.

Ved sidan av arbeidet som journalist, har prisvinnaren òg markert seg som forfattar. Ho har skrive to historiske romanar der handlinga er lagt til heimplassen Herøy, og ei kokebok med oppskrifter frå same område. Det er ekstra triveleg for oss at prisvinnaren òg ved fleire høve har merkt seg ut som ei aktiv målkvinne.

Kringkastingsprisen skal gå til ei røyst som utmerkar seg med godt språk i radio eller fjernsyn og som på ein framifrå måte nyttar nynorsk eller dialekt i det daglege arbeidet. Prisvinnaren får prisen først og fremst for det arbeidet ho har gjort som fjernsynsjournalist og -programleiar. I år gjekk ho over frå å vera nyhendeanker i TV 2-nyhenda til å leia aktualitetsprogrammet "Tabloid" i beste sendetid. Prisvinnaren i år er Trude Teige.

Juryen har lagt vekt på at Teige er bruker nynorsk og dialekt på ein tydeleg, uredd og naturleg måte. Som profilert nynorskbrukar i nyhende- og aktualitetsavdelinga til TV2 viser ho samtidig, fire dagar i veka i beste sendetida, at nynorsk eignar seg godt som eit kjapt, effektiv og nøytralt nyhendespråk. Trude Teige er med på styrka den solide plassen nynorsk har i norsk nyhendejournalistikk. Det kom inn fleire uavhengige nominasjonar av Teige til Kringkastingsprisen.

Det er ei glede å tildela Kringkastingsprisen 2008 til Trude Teige.

Bookmark and Share
HANDLEKORG
Handlekorga er tom.
© Noregs Mållag 2019
E-post vevmeister
Sidene laga av Zetta AS
Noregs Mållag
Lilletorget 1
0184 Oslo
Tlf: 2300 2930
E-post: nm@nm.no