Til framsida
SØK:
FRAMSIDA|MELD DEG INN|ADRESSEENDRING|KALENDER|KONTAKT| 22. NOVEMBER 2019 Information in english


Nyhende Arkiv 2016 2015 2014 2013 2012 2011 2010 2009 2008 2007 2006 2005 2004 2003 2002 2001 2000 1999 Mållaget meiner Nytt prinsipprogram Oppdater! Val 2019 NyNorsk Nye læreplanar Organisasjon Lagsoversyn For lokallaga Norsk Tidend Krambua Peikarar Norsk Målungdom Fakta om nynorsk For pressa

Stenvold bryt språkbarriere

 (16.12.2009)

Prislønt dialektbrukar: Ingerid Stenvold har tidlegare motteke Kringkastingsprisen for dialektbruken sin, men Mållaget meiner det stiller seg annleis med dialektbruk i Dagsrevyen.

Den profilerte journalisten og programleiaren Ingerid Stenvold frå Troms blir den fyrste som snakkar dialekt i Dagsrevyen på NRK.

Stenvold har tidlegare vore programleiar i Sommarope, Lydverket og frokost-tv samt ankarkvinne i sporten. Frå nyttår blir ho altså å sjå som nyhendeopplesar i Dagsrevyen, som fram til no har vore ein programpost reservert normalisert nynorsk og bokmål.

Ingerid Stenvold fekk lov til å snakke Målselv-dialekten sin på Dagsrevyen etter eit særskild vedtak på leiarnivå i NRK, melder VG. I 2007 fekk Stenvold Kringkastingsprisen frå Kringkastingsringen for å snakke dialekt på tv.

Ros og kritikk
Vedtaket i NRK om å bryte språkreglane for Dagsrevyen vekkjer mange reaksjonar, både positive og negative. Korkje Riksmålsforbundet eller Noregs Mållag ser fram til dialektbruk på Dagsrevyen.

– Det er viktig at språkbrukarane høyrer korrekt nynorsk og bokmål opplese, seier Håvard B. Øvregård, leiar i Noregs Mållag, til VG. Mållaget har nett teke opp dialektspørsmålet med NRK, ettersom det i dag er mykje mindre normalisert nynorsk i statskanalen enn kva reglane frå Stortinget krev. Mållaget meiner det skal vere normert nynorsk eller bokmål i nyhendesendingane.

– Men Ingerid Stenvold er ein dyktig språkbrukar og har vore eit føredøme i bruken av dialekt, meiner Øvregård.

På riksmålssida er reaksjonane meir einsidig negative.

– Stenvold må rette seg etter dei reglane som er vedtekne, meiner nestleiar Tor Guttu i Riksmålsforbundet. Finn-Erik Vinje er i VG sitert på at han meiner regelendringa er ”vanvittig” og ”oppsiktsvekkjande”.

Jens Kihl
Bookmark and Share
HANDLEKORG
Handlekorga er tom.
© Noregs Mållag 2019
E-post vevmeister
Sidene laga av Zetta AS
Noregs Mållag
Lilletorget 1
0184 Oslo
Tlf: 2300 2930
E-post: nm@nm.no