Til framsida
SØK:
FRAMSIDA|MELD DEG INN|ADRESSEENDRING|KALENDER|KONTAKT| 21. SEPTEMBER 2019 Information in english


Nyhende Arkiv 2016 2015 2014 2013 2012 2011 2010 2009 2008 2007 2006 2005 2004 2003 2002 2001 2000 1999 Mållaget meiner Nytt prinsipprogram Oppdater! Val 2019 NyNorsk Nye læreplanar Organisasjon Lagsoversyn For lokallaga Norsk Tidend Krambua Peikarar Norsk Målungdom Fakta om nynorsk For pressa

Vil ha Wordfeud på nynorsk

 (10.04.2012)

Norsk Målungdom ynskjer seg Wordfeud på nynorsk.

- Wordfeud på nynorsk vil vere ein enkel og morosam måte å lære seg nynorsk på, uansett kva den enkelte eleven har som hovudmål, seier Vebjørn Sture (24), påtroppande leiar i Norsk Målungdom (NMU).

- Mange elevar, særleg dei med bokmål som hovudmål, møter ikkje nynorsken stort andre plassar enn i norsktimane på skulen. Då er det ikkje rart at dei synest det blir vanskeleg å lære seg. Å tilby nynorskversjonar av mobilspel som Wordfeud er ein glimrande måte å nå ut til desse elevane på, held Sture fram.

Den nyvalde NMU-leiaren trur også ei nynorskutgåve av Wordfeud vil vere lønsamt for spelskaparen, Wordfeud-gründer Håkon Bertheussen.

- Wordfeud på nynorsk vil utvilsamt ha stor appell i nynorskmiljøa. I tillegg kjem alle dei potensielle kundane som i utgangspunktet er bokmålsbrukarar, men som vil ha Wordfeud på nynorsk for å øve seg i det - akkurat slik vi ser at mange bokmålselevar har til dømes Facebook på nynorsk. Her ligg vegen open for større inntekter, både gjennom at fleire kjøper betalingsversjonen, og gjennom meir visningstid for reklamen i gratisversjonen, seier Vebjørn Sture, som også sjølv speler Wordfeud.

- Å spele Wordfeud på bokmål er for så vidt grei sidemålstrening for min eigen del, men eg kan garantera at entusiasmen vil auka så snart Wordfeud kjem på nynorsk. Då skal eg kjøpa betalingsversjonen, smiler Vebjørn Sture

Bookmark and Share
HANDLEKORG
Handlekorga er tom.
© Noregs Mållag 2019
E-post vevmeister
Sidene laga av Zetta AS
Noregs Mållag
Lilletorget 1
0184 Oslo
Tlf: 2300 2930
E-post: nm@nm.no