Til framsida
SØK:
FRAMSIDA|MELD DEG INN|ADRESSEENDRING|KALENDER|KONTAKT| 11. NOVEMBER 2019 Information in english


Nyhende Arkiv 2016 2015 2014 2013 2012 2011 2010 2009 2008 2007 2006 2005 2004 2003 2002 2001 2000 1999 Mållaget meiner Nytt prinsipprogram Oppdater! Val 2019 NyNorsk Nye læreplanar Organisasjon Lagsoversyn For lokallaga Norsk Tidend Krambua Peikarar Norsk Målungdom Fakta om nynorsk For pressa

Hallingdølen er beste lokalavis i Europa

 (18.11.2013)

Nynorskavisa Hallingdølen er kåra til beste lokalavis i Europa. Avisa vart tidlegare i år kåra til den beste lokalavis i Noreg, og no slår dei altså til med å vere best i Europa. 

– Me gjekk til topps i NM – og no i EM. Det er nesten for godt til å vere sant, seier Bjarne Tormodsgard, redaktør i Hallingdølen til nettstaden framtida.no. Dette er verkeleg ei storhending for avisa.

Juryen i European Newspaper Award har lagt vekt på at Hallingdølen trekkjer fram folk i sakene sine. I tillegg er sakene visuelt godt framstilt. Juryen trekkjer fram at journalistane i Hallingdal nyttar fotoreportasjen og visuell historieforteljing som eit dagleg virkemiddel i jobben sin. Dette får dei skryt for. Avisa haustar også lovord for sine magasin og reportasjar, og design på dette. Visuell historieforteljing på sitt beste, står det i grunngjevinga. I tillegg trekkjer juryen fram at Hallingdølen har jobba fram nye digitale løysingar, med utgjeving på fire kanalar – papir, nett, telefon og iPad.

Hallingdølen konkurrerte med 211 aviser frå resten av Europa. Avisa har nynorsk som sitt redaksjonelle språk og redaktøren vil gjerne dele æra med både eigne tilsette og lesarar.

Bookmark and Share
HANDLEKORG
Handlekorga er tom.
© Noregs Mållag 2019
E-post vevmeister
Sidene laga av Zetta AS
Noregs Mållag
Lilletorget 1
0184 Oslo
Tlf: 2300 2930
E-post: nm@nm.no