Nynorsk i skulen har i lang tid vore det viktigaste arbeidsfeltet for Noregs Mållag. Det er i skulen vi lærer å skriva, og det er der vi får haldningar til språk.
Noregs Mållag arbeider med fire hovudfelt innanfor skuleverket.
Folkerøystingar. I Noreg kan alle som har vanleg røysterett ved kommune- og stortingsval, vera med å avgjera kva språk skulen i lokalsamfunnet skal bruka. I mest alle stader der nynorsk er hovudmål på eij barneskule, har det vore folkerøysting. Derimot er det svært vanleg at der bokmål er hovudmål, har det ikkje vore folkerøysting om dette. Noregs Mållag og lokallaga våre hjelper til for å vinna slike folkerøystingar.
Nynorskklassar: Målrørsla arbeider for å skipa eigne klassar med nynorsk på skular som i utgangspunktet har bokmål (parallellklassar).
Sidemålsopplæringa: Prinsippet om at alle nordmenn skal læra både nynorsk og bokmål tryggjer retten til å velja sitt personlege skriftmål.
Læremiddelarbeid er framleis viktig for å sikra at nynorskelevar har eit like godt skuletilbod som bokmålselevane. Noregs Mållag forsvarer prinsippet om at alle læremiddel skal koma på nynorsk til same tid og pris som på bokmål. No er det særs viktig med læremiddel på data.
