Alle lokallag kan få tilgang til medlemsregisteret, der ein kan få oversyn over inn- og utmeldingar, høve til å melda inn nye medlemer og så bortetter. Send ein e-post til
medlem@nm.no med namn og e-postadresse på den lagsstyret som skal ha tilgang.
Medlemsregisteret til Noregs Mållag ligg her:
https://medlem.nm.no/Det vil etterkvart bli lagt ut meir informasjon om korleis medlemsregisteret kan nyttast av lokallaga.
Medlemsskap i Noregs Mållag:
Medlemskapen kostar 200 kroner det første året du er medlem.
Etter dette vil prisen variere ut frå kva for eit lokallag du er medlem i. Vanlegvis kostar medlemskapen i Noregs Mållag 280 kroner + eventuell fylkeslags- og lokallagssats. Desse satsane blir vedtekne på årsmøta i laga.
Du kan velje husstandsmedlemskap dersom det allereie er ein i husstanden din som er medlem. Prisen vil då vere 140 kroner + eventuell fylkeslags- og lokallagssats. Som familiemedlem vil du ikkje få tilsendt Norsk Tidend.
Ønskjer du å vere medlem i fleire lokallag, må du betale full medlemssats i kvart lag. Unntaket frå dette er yrkesmållaga. Dersom du er medlem i eit vanleg lokallag, kan du stå som sidemedlem i yrkesmållaget og berre betale lokallagssats til dei.
Ein del av lokallaga i Noregs Ungdomslag er også medlemmer i Noregs Mållag. Medlemmer i desse laga betaler 140 kroner i medlemspengar til Noregs Mållag.
