Fin kveld i Mållaget 13. januar

13. januar fekk vi vitjing av Ingvild Bryn frå dagsrevyen i NRK. Ho er for tida einaste programleiaren i Dagsrevyen som nyttar nynorsk, og ho fortalde levande om livet innanfor tvmediet. Av og til måtte ho setje om frå bokmål til nynorsk på sparket, og då kunne det vere vanskeleg å få til eit godt språk. Ho er styremedlem i Mediemållaget og har ansvaret for språkrøkta i NRK.

Ho fortalde om bakgrunnen sin, om oppveksten på Voss med kulturmedvitne foreldre. Journalistkarrieren byrja i ei lokalavis på heimstaden, så vart ho tilsett i NRK og hadde 4 år som korrespondent i USA.

Etter kåseriet song ho med kjenslevar, fin songrøyst Åge Aleksandersen sin kjende ”Lys og varme” og ”Veronica” av Cornelis Vreeswijk. Ho spelte sjølv piano til. Ho spelte også til allsongen der møtelyden fekk vere med på fleire av songane frå songskatten vår.

Om lag 55 personar var møtt fram for å høyre på Ingvild, ein særs god representant for dei som bruker nynorsk i alle samanhengar.
I pausen var det livleg prat rundt borda medan folk kosa seg med kaffi, rundstykke og wienerbrød.
Ein vellukka mållagskveld!