Berit Rekve held fram som leiar for Mediemållaget
(08.03.2010) Årsmøtet i Mediemållaget 6. mars gav leiaren ny tillit. - Det er gildt å få denne tilliten og å halda fram med å leia eit lag i framgang. No gyv vi laus på eit spennande år. I år er det 125 år sidan Stortinget gjorde jamstellingsvedtaket. Det har vi tenkt å ta med i planlegginga av Dei nynorske mediedagane, som er den største satsinga vår, seier Rekve.
Med seg på styrelaget har ho Guri Kulås (ny nestleiar), Gunn Kristin Aasen Leikvoll, John Inge Vikan, Pål Plassen, Amund Trellevik, Grunde Grimstad og Margunn Sunnfjord (ny). Arbeidsprogrammet for det komande året kan de lesa her.
|
|