Norsk Tipping har førebels ikkje informasjons- og vervemateriell for Grasrotandelen på nynorsk. Til no har elleve mållag registrert seg for å kunna ta del i ordninga.
- Eg har vore i kontakt med dei i dag og det er von om at det skal koma snart, seier leiar for Mediemållaget, Berit Rekve.
- Det er litt pinleg for oss å nytta materiell på bokmål når sjølve lagsverksemda er arbeidet for nynorsken. Men dette gjeld no for idrettslag og andre som nyttar nynorsk òg, seier Rekve.
Riksfondet for nynorsk presse har gitt 25 000 kroner i støtte til Nordmøre Mållag som skal gå til å finansiere ein praksisplass i Aura Avis, melder laget.