Nye språkreglar i NRK – dialektbruk må ikkje svekkja nynorsken

Dei nye språkreglane til NRK opnar for meir bruk av dialekt. - Mediemållaget er oppteke av at dette ikkje skal gå ut over bruken av nynorsk standardtalemål, seier leiar for Mediemållaget, Berit Rekve.

Kringkastingssjef Hans-Tore Bjerkaas har lova meir nynorsk i NRK.
- Vi set pris på eit så klart signal, og meiner det må følgjast opp i innarbeidinga av dei nye språkreglane.

NRKs direktørmøte vedtok dei nye språkreglane den 19. juni.