- Mediemållaget er svært nøgd med at Vinjefondet kjem på plass i språkmeldinga, seier leiar Berit Rekve.
- Eg er glad for at Regjeringa følgjer opp Kulturløftet og Soria Moria-fråsegna i denne meldinga. Dette har vi og mange andre arbeidd for lenge. No kan vi gå vidare for å få viktige tiltak for å styrkja det nynorske språket i media. Det trengst i ein sektor der nynorsken mange stader har svært tronge kår, seier Rekve.
- Mediemållaget har teke initiativ overfor fleire miljø for å få til utviklings- og stipendarbeid. Vinjefondet vil gje dette arbeidet ekstra kraft.
– Dette vert eit viktig verkemiddel for å løfta nynorsken i journalistikken, og vi reknar med at midlane er inne i budsjettet for 2009. Det vil vera ein flott inngang når Mediemållaget og samarbeidspartnarane skipar 150-årsjubileum for Aa.O. Vinjes blad Dølen under Dei nynorske mediedagane 10. oktober, avsluttar Rekve.
For meir informasjon:
Leiar Berit Rekve
958 70 611
--
Heile stortingsmelding 35 kan lastast ned
her.