Ein halv mill. til nynorsk mediespråk
(07.10.2008) Regjeringa løyver ein halv million til å følgja opp satsinga på nynorsk som mediespråk i språkmeldinga. Vinjefondet, som vart lova i språkmeldinga er utsett fordi det trengst betre førebuingar. - Dette er ein god start og vi skal gjera det vi kan for å bidra til å utvikla Vinjefondet, seier Berit Rekve, leiar for Mediemållaget.
Det første høvet byr seg under Dei nynorske mediedagane og fagmøtet om nynorsk mediespråk fredag. - Då møter vi statsekretær Harsvik frå Kulturdepartementet. Eg vonar det vert ein konstruktiv diskusjon om det vidare arbeidet for å styrkja nynorsk journalistikk.
Frå KKDs proposisjon: "Av den avsatte potten på 4,0 mill. kroner [til oppfølging av språkmeldinga] er 0,5 mill. kroner øremerket til tiltak for å fremme nynorsk i mediene. Dette må ses i sammenheng med det som er uttalt i språkmeldingen om etablering av et eget fond kalt Vinjefondet med det hovedformål å styrke nynorsk journalistikk og annen publisistisk virksomhet på nynorsk. Etablering av et slik fond krever mer omfattende forberedelser. Som alternativ løsning foreslår derfor departementet i denne omgang en ordinær bevilgning. Den foreslåtte avsetningen på 0,5 mill. kroner tilsvarer avkastningen av et fond på om lag 10 mill. kroner.
|
|