- Det er ei stor ære og glede å få leia Mediemållaget vidare, seier Rekve, som vart attvald som leiar på årsmøtet 7. februar.
I styret får ho med seg Pål H. Plassen frå NRK P1 og Kjetil Haanes, nestleiar i Norsk Journalistlag som nye styremedlemmer, John Inge Vikan frå Adresseavisen, student Gunn Kristin Aasen Leikvoll og Guri Kulås i Klassekampen.
- Vi går eit spennande år i møte. Til hausten arrangerer vi Dei nynorske mediedagane for andre gong. Det er god framgang og vekst i laget og vi har fått nye samarbeidspartnarar i året som har gått. Det gjer det ekstra inspirerande å ta fatt på eit nytt arbeidsår, seier Rekve.
Grunde Grimstad i Finansavisen og Ingvild Bryn i NRK Dagsrevyen er varamedlemmer i styret.
