Alf Helleviks mediemålpris til Ingvill Tandstad
(21.04.2009) Ingvill Tandstad er tilsett i NRK Østlandssendingen i Oslo. Tandstad får prisen for sin konsekvente bruk av nynorsk i eit elles bokmålsdominert mediemiljø.
Grunngjevinga for prisen: Ingvill Tandstad er ein motstraums journalist i hovudstadseteren. Innbyggjarane i Oslo kjem frå heile landet, og har ulik bakgrunn og identitet. Nemnda, samansett av leiar Audhild Gregoriusdotter Rotevatn, Harald Stanghelle og Ingvild Bryn, ynskjer å leggje vekt på at det er viktig å fremje røyster i hovudstaden som ikkje har bokmål som talemål. Tandstad er ein pionér og eit førebilete, ikkje berre for innflyttarar frå nynorsktalande stader, men for den store gruppa av Oslo-borgarar som har ein nynorsk språkidentitet og som er interesserte i språk .
Nemnda ynskjer også å leggje vekt på kor viktig det er at born og unge i Oslo og Akershus vert eksponerte for nynorsk som ein naturleg del av språkbiletet i det offentlege rom.
Prisen vert delt ut på årsmøtet i Det Norske Samlaget.
Pressemelding frå Samlaget
|
|