Landsmøtet i Norsk Journalistlag (NJ) har vedteke eit nytt punkt om språk i arbeidsprogrammet. Under kapitlet
Likestilling og mangfald heiter det no at
"NJ vil arbeide for medlemmenes mulighet til å utvikle journalistisk og språklig kvalitet og uttrykksfrihet, mangfold og integritet."
- Det er svært gledeleg at dei har gjort eit slikt vedtak. Vi vonar dette betyr at
Journalistlaget vil gi tydlegare støtte til nynorskskrivande journalistar, seier leiar for Mediemållaget, Berit Rekve.
Etter rapportane frå ordskiftet å døma, var det svært mange som gjekk på talarstolen og tala varmt for dette punktet. 143 av delegatane røysta for, seks mot.