Mediemållaget ønskjer kandidatar til Nynorsk redaktørpris for 2009

Mediemållaget deler ut Nynorsk redaktørpris i Litteraturhuset 2. oktober i samband med Dei nynorske mediedagane. – Alle er velkomne med framlegg til kandidatar, seier Berit Rekve, leiar for Mediemållaget.

– Føremålet med prisen er å heidra dei redaktørane som gjer ein ekstra innsats for nynorsk som mediespråk. Redaktørane er premissleverandørar for språkpolitikk og språkhaldningar i sine redaksjonar. Vi ønskjer å framheva dei redaktørane som gir nynorsken gode levekår i journalistikken, seier Rekve.

Fristen for å koma med framlegg er 15. august. Framlegg med grunngjeving kan sendast mediemaallaget@nynorsk.no.

Tidlegare prisvinnarar (verksemda dei var i då dei fekk prisen):
2008: Pål Bjerketvedt (NTB) og Arne Sigurd Haugen (NPK)
2007:
Tom Hetland (Stavanger Aftenblad)
2006: Per Arne Kalbakk (NRK Østlandssendingen)
2005: Tove Lie (Nationen)
2004: Hilde Haugsgjerd og Cathrine Sandnes (Dagsavisen)

Les meir om prisen og Dei nynorske mediedagane på www.mediedagane.no.

Kontakt:
Berit Rekve, 958 70 611, leiar for Mediemållaget