Nynorsk i KK

Ingvild Kjøde er den fyrste som har fått skrive nynorsk i vekebladet KK. - Eg registrerte at ein av konkurrentane våre i vår hadde ei sak på nynorsk. Då spurde eg redaktør Engesland om ikkje eg også kunne få lov. "Klart det", svara ho, fortel Kjøde til Møre-Nytt.

I vår opna sjefsredaktør Signy Fardal for nynorsk i Elle sine spalter, og både magasina Eva og Henne hatt nynorske artiklar på trykk. No fylgjer altså KK etter.
- Valet av nynorsk var naturlig i portrettet av Jon Fosse, seier sjefsredaktør Bente Engesland i KK til Dag og Tid, som kreativt nok har funne det like naturleg å laga intervjuet med henne på bokmål. Ho fortel vidare at ho meiner å sjå ei ny interesse for nynorsk i nokre miljø, av di identitet er blitt viktigare for mange.