Heider til Eva Røyrane i Bergens Tidende

Fredag 18. januar fekk journalist Eva Røyrane i Hus og Hjem-redaksjonen i Bergens Tidende målblome frå Mediemållaget. Ho vert heidra for bruken av nynorsk på arkitektur- og designområdet.
- Nynorsk ikkje er brukt så mykje i magasin for arkitektur, design og interiør. BT-magasinet Hus og Hjem er eit sjeldant unnatak. Mediemållaget meiner Røyrane er eit føredøme ved å visa at nynorsk er eit sjølvsagt språk òg på dette området, sa leiar Berit Rekve under utdelinga.

Eva Røyrane (t.v.) fekk målblome og diplom i Hus og Hjem-redaksjonen. (foto: Vidar Rekve)

- På mange stoffområde er nynorsken mest fråverande. Difor er det viktig for oss i Mediemållaget å gjera dei gode føredøma synlege, seier Rekve. - Det vert utgitt mange tidsskrift og magasin om arkitektur, design, interiør og byutvikling, men det er sjeldan nynorsk tekst i desse. I Hus og Hjem får vi nynorske tekstar på dette området kvar fredag.