No skjer det spennande saker i Blåmann Barnebokklubb. Etter sju års drift går bokklubben no over til elektronisk medlemstilbod, og inngår samtidig eit samarbeid med nettbokhandelen Bokdykk som vil gi Blåmann-medlemmene nye fordelar.
Nettadressa til Blåmann Barnebokklubb er som før
www.blamannbok.no, men sidene har fått ny design med mange nye funksjonalitetar. No blir det lettare å finne fram i det store utvalet av nynorske kvalitetsbøker, og å bestille og avbestille bøkene i klubben.
Samtidig kan du søkje i heile barneboksortimentet til Bokdykk frå Blåmanns heimeside, og du får medlemsrabatt på alle norske barnebøker!
Dermed kan du halde deg oppdatert på det beste av nynorske barnebøker, samtidig som du får tilgang til 5000 barnebøker med den same rabatten. Vi håper medlemmene våre vil setje pris på å kunne kjøpe alle barnebøker på same staden og ønskjer både nye og gamle Blåmann-venner velkommen.
