Allsongkveld i Aurdal

I år er det Friluftslivets år, og måndag 20. april kl 19 inviterer Nord-Aurdal Mållag til open allsongkveld med glade vårsongar i Aurdal menighetshus.

Det blir også høve til å synge andre songar frå den norske songskatten. Bruflat sangkor syng føre, og Serhiy Bykov spelar til songane. Margunn Søyland Nesbakken kåserer om songane. Det blir servering av kaffi, te og kaker, i tillegg til åresal.

– Bli med og syng av hjartans lyst, seier leiar i Nord-Aurdal Mållag, Aud Søyland. Songkvelden er ein kveld i møteserien "I kveldsetun".