Jubileumssoga er komen!

På tampen av jubileumsåret kunne Bjørn Karsrud presentere 50-årssoga til Nord-Aurdal Mållag, Reint som gull. Nord-Aurdal Mållag 1964–2014. Boka inneheld fyrst og fremst lagshistoria, men ho er også ei interessant reise gjennom ein del av språk- og kulturhistoria i kommunen, frå midten av 60-talet og fram til i dag. For laget har ikkje berre vore eit mållag. Det har også vore eit "kulturlag", som har sett det som si oppgåve å drive fram og spegle av den folkelege kulturen i kommunen.

I Valdres kan du kjøpe boka hos Libris Fagernes, hos Coop Extra Fagernes og hos Notabene i Amfi Valdres på Leira.