Tildeling av journaliststipend våren 2009

Vi gratulerer dei tre studentane som kvar fekk eit stipend på 10 000 kr:
Sian Constance O‘Hara, Abelone Ågotnes og Iselin Nevstad Øverlid.

Det kom inn i alt 6 søknader, men desse tre skilde seg ut:
Sian Constance O‘Hara, 27 år, frå Evje og Hornnes, studerer journalistikk på Mediehøgskolen i Oslo. Ho har fått kontor på NPK/NTB og får delta i arbeidet under rettleiing der.
Abelone Ågotnes Eiklid, 22 år, frå Gol i Hallingdal, studerer journalistikk på Mediehøgskolen, Gimlekollen.
Iselin Nevstad Øverlid, 22 år, frå Hareid, studerer journalistikk på Høgskulen i Volda.

Jury: Jon Inge Vikan, Mediemållaget, Arne Sigurd Haugen, redaktør i Nynorsk Pressekontor, (NPK/NTB), journalist Kjetil Reite, Fædrelandsvennen, redaktør Sigurd Haugsgjerd, Setesdølen, Anne Austad og Øyvind Grov frå Mållaget i Kristiansand.

Søknadsfristen for hausthalvåret er 1. oktober 2009

Mållaget i Kristiansand tilbyr stipend til journaliststudentar som ynskjer å nytte nynorsk i studiet og seinare i arbeidslivet. Stipendiaten får arbeide i miljøet til Nynorsk Pressekontor og NTB, og god rettleiing der.
Ho/han kan få kr 10 000,- per semester i inntil tre år.

STATUTTAR
§1. Føremål
Stipendet skal motivere og inspirere journaliststudentar til å bruke nynorsk i studiet og i seinare arbeidsliv.

§2. Kven kan få stipend?
Søkjarar frå Agder som ynskjer å bruke nynorsk i arbeidet sitt, har førerett. Dersom det ikkje er gode søkjarar frå Agder, kan stipendet delast ut til søkjarar frå andre delar av landet. For å få stipend, må ein ha fått og teke imot studieplass.
Studentar kan få inntil 10 000 kroner kvart semester i inntil tre år. Maksimalt kan kvar student få 60 000 kroner.

§3 Stipendsøknad med grunngjeving.
Ein CV som mellom anna inneheld:
a. Attesterte kopiar av vitnemål frå tidlegare utdanning.
b. Attesterte kopiar av attestar frå arbeidslivet.
c. Kopiar av eventuelle publiserte arbeid på nynorsk.

§4 Søknadsfrist
1. mars i vårhalvåret. 1. oktober i hausthalvåret.

§5 Jury
5.1 Styret i Mållaget i Kristiansand oppnemner jury på inntil 6 medlemer for 4 år om gongen. Halvparten av medlemene er på val annakvart år, fyrste gongen etter loddtrekking.
5.2 Samansetting av juryen
- 2 representantar frå Mållaget i Kristiansand
- 1 representant frå Mediemållaget
- 1 til 2 representantar frå medieverksemder i Agderregionen
- 1 journalist frå Nynorsk Pressekontor

§ 6 Om rettar og plikter i det faglege samarbeidet mellom stipendiat og samarbeidspartnarane
a. Stipendiaten får ein arbeidsplass stilt til rådvelde i NPK-redaksjonen i NTB.
b. NPK/NTB tilbyr stipendiaten å nytte seg av heile det faglige miljøet i NPK/NTB som del av journaliststudiet.
c. NPK stiller ein ”fadder” til rådvelde som fagleg rettleiar for stipendiaten.
d. Stipendiaten deltek i arbeidet i NPK-redaksjonen etter nærare avtale.

§7 Rapportering frå mottakar av stipend
Seinast ein månad etter semesterslutt må det sendast rapport til Mållaget i Kristiansand om progresjonen i studiet inkludert eventuelle attesterte eksamensresultat. Dette er ein føresetnad for å få forlenga stipendperioden som det samstundes kan søkjast om dersom studiet skal halde fram.

Søknadsinformasjon:
Skriftleg søknad må ha med opplysningar om studieplass og studiekostnader,
CV med kopi av vitnemål og attestar og eventuelle publiserte arbeid på nynorsk.

Nærare informasjon finn du på www.nm.no/lag/mallaget-i-kristiansand, eller du kan ta kontakt på tlf. 970 64 485 eller e-post til maalkrs@frisurf.no.

Søknadsfrist 1. oktober 2009