Frå klokka tolv til fire kom mange innom, oftast born i fylgje med vaksne, og for det meste vart det sett stor pris på tiltaket. Ein høyrde kommentarar om at det var godt med ei roleg høgtlesingsstund mellom alle dei andre aktivitetane. Dessutan gav fleire uttrykk for at det var bra at borna fekk høyre og lese nynorsk frå dei var små.
Me hadde ikkje sett opp faste tidspunkt for lesinga, og me las når det passa, anten det var ein, to eller fleire born til stades. Dette såg ut til å fungere greitt, og det vart også tid til å ta ein prat med dei vaksne før eller etter lesinga.
Dei fleste bøkene me hadde med oss, er utgitt på
barnebokklubben Blåmann, og fleire var interesserte i å ta med seg skriv med nettadressa til denne.
Svært mange sette også pris på å få utdelt dikt av Haldis Moren Vesaas.