FRAMSIDA|MELD DEG INN|ADRESSEENDRING|KALENDER|KONTAKT| 14. NOVEMBER 2019

Framside Program Arkiv 2007 2008 2009 2010 2011 2012 2013 2014 2015 2016 2017 2018 2019 Nynorsk for alle på Agder Om oss Kontakt oss

Nynorsk i 7. klasse på Hånes

 (27.01.2012)


Også dette året har 7. klasse på Hånes nynorsk på planen. Mållaget i Kristiansand har mange nynorskbøker til utlån som skulane kan bruke i undervisninga.

Det er tredje året at Hånes har hatt ein nynorskperiode på 7. trinn, og som tidlegare vart eg positivt motteken då eg kom med alle bereposane med bøker.
Snautt 60 elevar starta dagen på musikkromet der bøkene var stilt ut, og eg brukte den fyrste halvtimen til å presenterte eit lite utval før dei fekk låne.

Dei hadde mange bøker å velje mellom, både biletbøker og bøker med mykje tekst.

Fagbøker, t.d. frå krigen, var det også mogeleg å finne.

Etter presentasjonen var det livleg aktivitet og dei fleste såg ut til å finne ei bok dei hadde lyst til å lese. Kontaktlæraren, Bodil Kristine Nygaard Laundal, var svært positiv og hadde lagt til rette for lesing rett etter presentasjonen.

Heile 7. trinnet skal ha nynorsk på timeplanen i 3 veker.

Solveig Lima
© Noregs Mållag 2019 - Sidene laga av Zetta AS