Samarbeid om nynorsk gudsteneste med kyrkjekaffi i Mållagssalen

Sundag 28. mai var det igjen nynorsk gudsteneste i Domkyrkja i Kristiansand. Dette året var det forstandar i Diakonhjemmet, Idar Magne Holme, som heldt preika og sokneprest Aud Sunde Smemo var liturg.

Kyrkjekaffi i Mållagssalen høyrer med, og det var også i år godt frammøte med litt over 60 som kom for å hygge seg med heimebakte kaker og slå av ein prat! Som tidlegare år gjorde Leiv Storesletten ein god jobb som møteleiar.

Samarbeidet mellom Mållaget og Domkyrkja i Kristiansand kom stand i 2010. Det var då Ragnhild Mydland frå Mållaget og Inger-Britt Vinje frå kyrkja som tok initiatv i samband med 125 års-jubileet for Domkyrkja. Denne tradisjonen ynskjer både Mållaget og kyrkja å halde fram med.