Program vinteren/våren 2020
(21.11.2019) Vårprogrammet er no klart!
Tysdag 14. januar Styremøte
Tysdag 28. januar Mållagsmøte med Sylfest Lomheim: «Om skilnaden på å skrive skjønnlitteratur og sakprosa».
Tysdag 4. februar Litteratur/lyrikk
Tysdag 11. februar Årsmøte
Tysdag 3. mars Litteratur/lyrikk
Tysdag 17. mars Mållagsmøte med Brit Bildøen. Forfattaren har samtale med Sylfest Lomheim om forfattarskapen hennar.
Tysdag 24. mars Styremøte
Tysdag 21. april Mållagsmøte med Aud Sunde Smemo: «Hans Børli – skogens diktar»
Tysdag 28. april Styremøte
Tysdag 5.mai Lyrikk: Skogens diktar
Sundag 10. mai Nynorsk gudsteneste i Domkyrkja
Sundag 17.mai Kransnedlegging ved bysta til Jørgen løvland. Tale ved Gudlaug Nedrelid.
Tysdag 9. juni Styremøte
Kort presentasjon av føredragshaldarane i vårhalvåret:
28. januar. Sylfest Lomheim: «Om skilnaden på å skrive skjønnlitteratur og sakprosa». Sylfest Lomheim er født i 1945 i Hafslo i Sogn. Han er utdanna filolog og var i mange år knytt til Høgskolen i Agder, der han var rektor frå 1987 til 1992. Frå 2004 til 2010 var han direktør i Språkrådet. Han er no professor emeritus ved institutt for nordisk og mediefag ved UiA. Han var språkkonsulent i NRK frå 1980 til 1994, medarbeider i radioprogrammet Språkteigen frå 1990, og ein kan framleis høyre han i dette programmet. Dessutan har han ei språkspalte i Klassekampen kvar onsdag, og i tillegg til dette er han reiseleiar på mange turar i Tema-reiser. Han har gjeve ut fleire fagbøker, m.a.: «Ord om ord» og «Tale er gull». Siste boka han har skrive, heiter «Andre Samuelsbok», og dette er ei skjønnlitterær bok. Tre laurdagar hausten 2018 las han boka på folkebiblioket I Kristiansand før ho var trykt og utgjeven. No kan også denne boka kjøpast i bokhandelen. På årsmøtet i 2017 vart han vald inn i styret for Mållaget i Kristiansand.
17. mars. Møte med forfattaren Brit Bildøen. Brit Bildøen er født i 1964 i Ålesund. Ho vaks opp på Aukra i Møre og Romsdal, og bur no i Oslo. Ho er utdanna bibliotekar (1981–84) og arbeidde ved Kvinnherad folkebibliotek fram til 1989. Ho har studert sosiologi og har vore student ved Skrivekunstakademiet i Bergen (1991). No er ho forfattar på heiltid. Ho har òg vore kritikar og omsetjar, konsulent i Det Norske Samlaget sidan 1999 og har vore med på å skipe tidsskriftet Utflukt. Bildøen var styremedlem i Allkunne AS 2014–16 og i Nynorsk kultursentrum 2014–18. Bildøen debuterte i 1991 med diktsamlinga Bilde av menn. Gjennombrotet kom med romanen Tvillingfeber (1998). Romanen Alt som er (2004) blei hovudbok i Bokklubben Nye Bøker, og det var uvanleg for ein kvinneleg forfattar som skreiv på nynorsk. I essaysamlinga Litterær salong (2009) er ho oppteken av kvinnene si stilling i litteraturen. I 2011 kom romanen Adam Hiorths veg, om miljøvernaren Jon Utskott, og i 2014 kom romanen Sju dagar i august. For denne romanen fekk ho i 2014 P2-lyttarane sin romanpris. I 2018 fekk ho Nynorsk kulturpris for romanen Tre vegar til havet. (Kjelde: www.Allkunne.no)
21. april. Aud Sunde Smemo held føredrag: «Hans Børli – skogens dikter». Aud Sunde Smemo er født i Kristiansand i 1972 og vaks opp i Songdalen. Ho har teologisk embetseksamen frå Menighetsfakultetet i Oslo. Den fyrste prestestillinga hennar var i Bardu i Indre Troms, der ho var i fire år. Ho vart tilsett i Kristiansand Domkirke i 2002 og er no sokneprest der. Mannen hennar, Helge Smemo er prest i Lund kirke, og dei har tre søner.
I arbeidet kjem ho i tett kontakt med mange ulike menneske, og ho syner respekt for alle. I dei siste åra har ho særleg arbeidd med menneske utsett for vald og overgrep
Ronny Rognhaugen |