Jógvan Helge er ny redaktør i Norsk Tidend!
21. januar byrja Jógvan Helge Gardar som redaktør i Norsk Tidend. Han overtek rolla etter Vemund Norekvål Knudsen.
Jógvan Helge Gardar er 28 år og oppvaksen i Oslo. Han er utdanna språkvitar og jurist frå Universitetet i Bergen, og har gått på Skrivekunstakademiet. Han er styreleiar i Kringkastingsringen, og har tidlegare vore redaktørvikar i Norsk Tidend og skrivar for Norsk Målungdom.
I tillegg til redaktørjobben skal han bidra til det politiske og organisatoriske arbeidet på skrivarstova og førebuingane til landsmøtet i vår.
– Eg gler meg til å setje mitt eige preg på Norsk Tidend, og å følgje opp saker både nasjonalt og lokalt rundt om i landet, seier han.
– Dessutan vonar eg at både medlemer og andre tek kontakt med lesarbrev eller framlegg til saker. Eg kjem også gjerne på vitjing!
Han vil minne om at stoffrist til neste nummer av Norsk Tidend er utvida til 16. februar. Tips og saker kan sendast til norsk.tidend@nm.no.
Me er veldig glade for å ha Jógvan på laget!