Stipend for å fremja nynorsk litteratur
Har du eit skriveprosjekt som treng støtte? No kan du søkje stipend hjå Longvafondet.
Anne Røflo Longva og Alf Andre Longvas fond er skipa for å fremja norsk kulturarv, gjerne ved tiltak og påskjønningar til personar eller institusjonar som arbeider med litterære eller historiske emne e.l. og skriv på nynorsk.
I 2026 har fondsstyret sett av inntil 50 000 kroner til utdeling, og prosjekt kan også få støtte fleire år på rad.
Søknadsfristen er 31. mai.
Send søknad med grunngjeving og eventuell dokumentasjon til Noregs Mållag som er sekretariat for fondet på e-post til gro.morken@nm.no eller som vanleg post til:
Noregs Mållag
Longvafondet
Dronningens gate 22
0154 OSLO