Jógvan Helge er vikar i Norsk Tidend!
1. mars byrja Jógvan Helge Gardar i vikariat som redaktør i Norsk Tidend. Han overtek for Vemund Norekvål Knudsen som er i permisjon fram til oktober 2025.
Jógvan Helge Gardar er 27 år og oppvaksen i Oslo. Han er utdanna språkvitar og jurist frå Universitetet i Bergen, og går no på Skrivekunstakademiet i Hordaland. Han er styreleiar i Kringkastingsringen, og har tidlegare vore skrivar for Norsk Målungdom.
– Eg gler meg til å lage blad og skrive saker, særleg no som valkampen nærmar seg.
Jógvan Helge er i stillinga som redaktør i Norsk Tidend fram til 1. oktober.