Læremiddel på nynorsk for vaksne innvandrarar
Det er framleis for dårleg tilgang på læremiddel for nynorskopplæring for vaksne innvandrarar.
Det svekkjer undervisingstilbodet og verkar til å undergrava språkpolitikken i nynorskområde. Mangelen på læremiddel kan føra til at kommunar som har valt nynorskopplæring, går attende til bokmål. Det kan òg hindra at nye kommunar går over til nynorsk. Ei veikare nynorskopplæring kan dessutan medverka til at elevane får eit dårlegare utgangspunkt for å læra norske talemål.
Noregs Mållag vil so snart som råd ta naudsynte steg for å sikra at det kjem fullgode og oppdaterte læremiddel, medrekna fritt tilgjengelege nettressursar, for slik nynorskopplæring, på dei nivåa som er i vanleg bruk kommunane. Arbeidet må innebera
– å halda kontakt med aktuelle fagmiljø og forlag
– å sikra finansiering frå styresmaktene
– å syta for å få nyskrive eller sett om det som trengst av tekstar