Bokpresentasjon med Guri Idsø Viken

Sjå heile kalenderen

Laurdag 26. april kl. 15 inviterer Stjørdal Mållag i samarbeid med Stjørdal bibliotek til eit møte med forfattaren Guri Idsø Viken (f. 1979). Ho kjem frå Overhalla og bur no i Tvedestrand. Ho er litteraturvitar, journalist, og samfunnsdebattant, og arbeider som politisk rådgivar i Frivillighet Norge. Ho har vore juryleiar for Sørlandets litteraturpris og har tidlegare gitt ut Magnhild, en roman om sex, fyll og offentlig forvaltning saman med Inger Johanne Sæterbakk.

På møtet vil ho fortelje om og lese frå romanen Krakk som er skikkeleg ferskvare; ho har nettopp komme ut. Og mottakinga av boka har tatt heilt av. Kritikarar en masse har gått heilt ko-ko, og det har hagla med terningkast 5 og 6. Les meir om boka her.

Inngang er 150 kr.